Dein Anime- und Mangaportal

Zitat

Suchmaschine "guhgel.de bieded Sörwis in Mundard - Brähmer Wissenschafdlor
brogrammierd fiehr Sachsn un annre Völkschn

ÜBERSETZUNG IN 's
OBERSÄCHSISCHE
EDUARD SACHSENMEYER

Gemnidz. Das wird ja immor scheenor: Dass in Sachsn de scheensdn Mädschn off
de Beeme wachsn, das weeß ja middlorweile jedor - jednfalls jedor Mann, nisch
nur im Sachsnland. Abor jedzde kommds noch dollor. Eene Umfrache in dor
Zeidschrifd "TV-Spielfilm" bringd an dähn Daach, dass sisch de Sachsn ooch
noch fiehr das lusdischsde Völkschn in Deidschland haldn. 89 Brhozend schädzn
sisch als humorvoll ein:. Damid nu ooch dor kuldurelle Exbordschlachor
schleschdhin, de sächsische MuddorSchbrache, gebiehrend gewirdischd wern dud,
find sisch das Sächsische nu ooch im Indorned un in dor "Frein Bresse"
widdor. Einische wenische Deidsche solln de Schbrache ja immor noch als
"unsymbadisch" abdun ... Machd nischd, de

Sachsn selbor hamm e gesundes Vorhäldnis zur ihror Mundard um liehm se genau
so sähr wie de Bayorn ihr bierselisches bayrisch.

Kee Sachse, sondorn e Brähmor Maddemahdikor namens Henning Thielemann had nu
jedzde eene Suchmaschiene brogrammierd, die das Herz dor Sachsn heehor
schlachn lässd.

Mid "Guhgel.de" krischd dor Sachse jede Seide in Sächsisch dahrgebodn.
Audomadisch! Damid könn sisch nu alle Sachsn im Wörld-Weid-Web so rischdisch
heimisch fiehln. De Schaldfläsche "Off gud Glick" bringd ihn direggd zur
erschdn Webseide. Damid nisch so viel Zeid fiehr de Suche droff gehd. De
Sachsn sinn ja immor in Eile.

Ibrischens gibbds ooch sowas fiehr de geizischn Schwahm. Die krischn ihre
Seidn nadiehrlisch in Schwähbisch. E dreifaches Hoch offs dialekdische
Indorned.